Գ. Մաշումյանի առաջին գոլը «Սպարտակ»-ի կազմում: Տեսանյութ

Ֆուտզալի Ռուսաստանի Բարձրագույն լիգայի 19-րդ տուրում «Սպարտակ»-ը 3:3 հաշվով ոչ-ոքի խաղաց «Վոլգա»-ի դեմ:

Ակումբի պաշտոնական կայքի փոխանցմամբ՝ կապված Մոսկվայի առաջնության կիսաեզրափակչի հանդիպման հետ՝ մարզչական կազմը որոշել էր հանդիպմանը խաղադաշտ դուրս չբերել մի քանի առաջատար ֆուտզալիստների: Վերջիններիս բացակայությունը լրացրեց և իր նորամուտը «Սպարտակ»-ում նշեց «Չարբախ» ՖԱ-ի և ֆուտզալի Հայաստանի ազգային հավաքականի հարձակվող Գ.Մաշումյանը:

Հայտավորվելով հանդիպման մեկնարկից ընդամենը մի քանի ժամ առաջ՝ Մաշումյանը ոչ միայն վստահ հանդիպում անցկացրեց, այլև հանդիպման 36-րդ րոպեին գրավեց մրցակցի դարպասը՝ հաշիվը դարձնելով 3:2:

Հանդիպման լավագույն դրվագները տեսանյութում՝