ԵՊՀ ֆուտզալի աղջիկների թիմ: Չեմպիոնության կես ճանապարհին:

Երևանում մեկնարկած ուսանողական մարզական խաղերի ծրագրով նախատեսված աղջիկների ֆուտզալի մրցաշարը արդեն իսկ հատել է հասարակածը: Այս տարի տևական դադարից հետո ԵՊՀ ֆուտզալի աղջիկների թիմը վերսկսեց իր ելույթները մրցաշարում նոր թափով և նոր ուժերով: Երկու տարի անընդմեջ չմասնակցելով որևիցէ մրցաշարի՝ ԵՊՀ աղջիկների թիմն այս մրցաշրջանին ներկայացավ ամբողջապես պատրաստված ու միմիայն չեմպիոնի տիտղոսը նվաճելու տրամադրվածությամբ:

Հոկտեմբերի 15-ին ԵՊՀ-ն հանդիպեց ՀՊՃՀ թիմի հետ և տոնեց իր անդրանիկ հաղթանակը՝ 4 անպատասխան գնդակ ուղարկելով մրցակցի դարպասը:

Մրցաշարի երկրորդ խաղային օրը՝ հոկտեմբերի 16-ին, ԵՊՀ թիմը 3:1 հաշվով պարտության մատնեց ՀՊՄՀ թիմին՝ տանելով իր երկրորդ անընդմեջ հաղթանակը:

Խաղային երրորդ օրվա հաղթական ելքը որոշիչ կլինի աղջիկների համար. ԵՊՀ թիմը հնարավորություն կունենա է երրորդ հաղթանակով ապահովելու իր բացարձակ չեմպիոնությունը այս մրցաշրջանում:

Իսկ առայժմ անցկացնելով երկու հաղթական հանդիպում՝ ԵՊՀ աղջիկները 6 միավորով գլխավորում են մրցաշարային աղյուսակը:

Նշենք, որ նախորդ երկու հանդիպումների արդյունքներով ԵՊՀ-ն հեղինակել է 7 գոլ և բաց թողել միայն 1-ը:

Հաջողություն ենք մաղթում թիմին սպասվող հանդիպումներում: