Կայացավ ՀՀ ֆուտզալի Բարձրագույն խմբի 2017-2018թթ առաջնության պարգևատրումը:

Հունիսի 18-ին Երևանի ՀՖՖ տեխնիկական կենտրոն ֆուտբոլի ակադեմիայում կայացավ . ՀՀ ֆուտզալի Բարձագույն խմբի 2017-2018թթ առաջնության մրցանակակիրների պարգևատրումը:

ՀՖՖ պաշտոնական էջի փոխանցմամբ՝ հատուկ մրցանակ ստացավ մրցավար Սամվել Զարգարյանը, ով այս առաջնությունյամբ ավարտեց իր մրցավարական կարիերան, «Ոսկե խաղակոշիկը» և պատվոգիրը հանձնվեցին ՀՀ ֆուտզալի Բարձրագույն խմբի առաջնության լավագույն ռմբարկու, ՖԱ «Շիրակ» ֆուտբոլիստ Արա Մկրտչյանին, ով առաջնությունում դարձել է 93 գոլի հեղինակ:

2017-2018թթ. լավագույն ֆուտբոլիստի մրցանակը և պատվոգիրը հանձնվեցին ՖԱ «Չարբախ» թիմի ֆուտբոլիստ Դավիթ Սուջյանին:

Բրոնզե և արծաթե մեդալները հանձնվեցին համապատասխանաբար ՖԱ «Արմենիա Թրավել» և ՖԱ «Չարբախ» թիմերին: Ոսկե մեդալները և Չեմպիոնական գավաթը ՖԱ «Լեո» թիմին հանձնեց ՀՖՖ առաջին փոխնախագահ և գործադիր տնօրեն Արմեն Մինասյանը:

Շնորհավորում ենք բոլոր մրցանակակիրներին՝ մաղթելով նորանոր ձեռքբերումներ:

Աղբյուրը՝ http://www.ffa.am/hy/1529327937#.WyeyRpc_Lak.facebook